Seçilmiş layihələr
Fərqli sahələrdən müştərilər üçün həyata keçirilmiş layihələr.
KartonERP
KartonERP — qofro karton zavodunun bütün işini bir yerdə idarə edən sistemdir: müştəri sifarişindən başlayır, rulonun kəsimi və istehsalla davam edir, anbar, satış, borc və kassa ilə bitir. Hər addım sənədlə qeyd olunur və geriyə izlənə bilir.
Lombard İdarəetmə Sistemi
Lombard İdarəetmə Sistemi — müştəri, girov, kredit, kassa və hesabatları bir yerdə idarə edən sistemdir. Faiz, cərimə və ödəniş cədvəli avtomatik hesablanır, müqavilə bir kliklə çap olunur, rəhbərlik hər filialın vəziyyətini real vaxtda görür.
MedClinic Rezervasiya Sistemi
MedClinic klinikanın gündəlik işini bir yerdən idarə edən veb sistemdir: xəstənin rezervasiyası qeydə alınır, ona müayinələr təyin olunur, ödəniş kassada qəbul edilir və bütün rəqəmlər avtomatik olaraq hesabatlara düşür.
LaundPro
LaundPro camaşırxana və kimyəvi təmizləmənin bütün işini bir yerdən idarə edir: paltarın qəbulu ilə başlayır, hər əşyanın emalı ilə davam edir, təhvil, ödəniş və kassa ilə bitir. Hər addım qeydə alınır və geriyə izlənə bilir.
Advergo — taksi ekranlarında reklam platforması
Advergo taksilərdəki 10.1 düymlük Android monitorlarda reklamı bir paneldən idarə edir: reklam yüklənir, göstərilmə sırası qurulur, ekranların vəziyyəti izlənir. Müştəri öz reklamlarını, sorğularını və göstəricilərini görür. Platforma 5 server xidmətindən ibarətdir, hər yenilik testdən keçib avtomatik yayılır.
GLB Logistic — Auksion İdarəetmə Sistemi
IAAI və Copart auksionlarında işləyən komanda üçün təhlükəsiz, bir mərkəzdən idarə olunan iş platforması. İşçi proqramı hesaba özü daxil olur və şifrəni heç vaxt göstərmir, hər baxış, axtarış və bid real vaxtda qeydə alınır, uyğun olmayan hesabla bid bloklanır. Rəhbərlik kompüterləri, lisenziyaları, bid tarixçəsini və qazanılan maşınları admin paneldən — telefondan da — görür.
myFinanzRechner — Almaniya üçün maliyyə kalkulyatorları
Alman şirkəti üçün hazırladığımız myFinanzRechner maaş, vergi, investisiya və mənzil üzrə 9 kalkulyatoru bir saytda birləşdirir: Brutto-Netto, avtomobil vergisi, mürəkkəb faiz, NPV, IRR, dividend IRR, Elterngeld, kirayə və ya alış, pensiya. Brutto-Netto hesablaması 2026-cı il üçün rəsmi BMF proqram planına əsaslanır, 16 federal əyaləti və I–VI vergi siniflərini əhatə edir. Hesablama tam brauzerdə aparılır: məlumat serverə göndərilmir, qeydiyyat lazım deyil. Hər dəyişiklik 2000-dən çox test halı ilə yoxlanılır.
Layihəni birlikdə başlayaq
İdeyanızı bizimlə paylaşın. İş günlərində 24 saat ərzində cavab veririk.